යුද්දෙ ඉවර වුණාට පස්සෙ අපේ රට අලුත් පිම්මකින් සංවර්ධනය කරා යායුතුව තිබුණත් පාලකයො ඒක කළේ නැහැ. කාලයක් පුරා අසමගියෙන් එකිනෙකාට බියෙන් සැකෙන් දුරස් වෙලා හිටිය සිංහල, දෙමල, මුස්ලිම් ජනතාව සමගි කළ යුතුව තියෙද්දි ආණ්ඩුව කළේ යුධ ජයග්‍රහණයට මුවා වෙලා මැතිවරණ තිය තියා බලය තහවුරු කර ගත්ත එකයි. මේ රටේ සියලු ධන සම්පත් මංකොල්ල කාපු එකයි විතරමයි. අවුරුදු තිහක් පුරා එකිනෙකාගෙන් ඈත් වුණ ජාතීන් අතර සමගිය ගොඩ නගන්න ආණ්ඩුව කිසිම පියවරක් ගත්තෙ නැහැ. මැතිවරණත් එක්ක මිනිස්සු තව තවත් පිල් වලට බෙදුනා. මේ තත්වය ඔබ නිවැරදිව වටහාගත්ත නිසා තමයි අපි හිතන විදිහට මේ රටට විශ්වාසනීය වෙනසක් ගේන්න ඔබ මුල පුරන්නේ. එතනදි එක්සත් ජාතික පක්ෂයත්, ජනතා විමුක්ති පෙරමුණත්, තව පක්ෂ ගණනාවකුත් සිවිල් සංවිධාන, මාධ්‍ය හා පුද්ගලයින් රැසක් ඔබ සමග හිටගන්නවා. ඒක සතුටට කාරණයක්.
මට මේ මොහොතේ මතකයට එනවා ඔබ කුරිරු එල්.ටී.ටී.ඊ මිනිස් බෝම්බයෙන් අනතුරට පත් වුණු වෙලාවේ හැමෝමඔබ මැරිලා ඇති කියල හිතල වාහනේ ලගටවත් නොයද්දි එළියට පැන්න බොකු බඩවැල් එක අතකින් තද කරගෙන අනෙක් අතින් වාහනේ දොර ඇරගෙන එළියට බැහැලා “මම මැරලි නැහැ. ඉක්මනට මාව ඉස්පිරිතාලෙකට ගෙනියන්න“ කියල කියපු ඒ ඓතිහාසික අවස්ථාව. ඔබ සැබෑ වීරයෙක් බව පළමුවෙන්ම අපි වාගේ සාමාන්‍ය මිනිස්සුන්ට තේරුම් ගියේ එදා තමයි. ඒ වීරියවන්තභාවය, ධෛර්යවන්තභාවය, මොනතරම් නම් ආශ්චර්යමත්ද? එහෙම් ඔබට අද මේ ආණ්ඩුව කරන නිග්‍රහයන් ගැන හිතල කිි ලෙසකින්වත් හිත කලකිරවා ගන්න නම් එපා. මේක තමයි සියල්ල නැසෙන සුළු මේ ලෝක ස්වාභාවය. මේ සියල්ලම කාලය විසින් විසදාවි. අපිට හොදට මතකයිනේ මේ රටේ අතීතයේ හිටිය සමහර නායකයින් නොසිතු විරු ලෙස මහ මග දිවංගත වුනු ආකාරය. ඒකාධිපතියන් හැමෝටම ඉතිහාසයේ උරුම වෙලා තියෙන්නෙ අතිශය දුක්ඛදායක ඉරණමක් තමයි.
ආදරණීය ජෙනරල්, ඔබ සමහරවිට කියවලා ඇති නේද “අර්නස්ට් හෙමින්වේ“ ලියු “මහල්ලා සහ මුහුද“ නව කතාව. එහි එන හෙමින්වේගේ සුප්‍රකට කියමන. “මිනිසා විනාශ කළ හැකිය, එහෙත් ඔහු පරාජය කළ නොහැකිය“ යන්න ඔබ සම්බන්ධයෙන් මොනතරම් සත්‍යයක්ද? හිරගෙවල් දාහක දැම්මත් ඔබ තුළ තියෙන නොසැලෙන අධිෂ්ඨානය පරාජය කරන්න මේ ආණ්ඩුවේ නායකයො කාටවත් බැහැ කියල අපි දන්නවා. අපි එහෙම කියන්නෙ නිකන්ම නෙවේ. ඔබගේ ජනාධිපතිවරණ ජයග්‍රහණය මංකොල්ලකාල තියෙද්දිත් ඔබ පළ කළ නිර්භීතභාවය අපි කිහිපවරක්ම ඇස් දෙකෙන්ම දැක්ක නිසයි.
කාලෙකදි අපේ ලෝකෙ වීරයො වුණු සමහරු රාජපාක්ෂිකත්වය හමුවේ කොදු කඩාගන්න හැටි අපි හොදට දැකල අවබෝධකරගෙන තියෙනවා. ඒ වාගෙ බොරු කාරයෝ දහසක් අතර ඔබ සැබෑ වීරයෙක් බව අපි කියන්නෙ ඉමහත් සතුටින් යුතුව. ඒ ගැන හිතල ඔබගේ ආදරණීය බිරිදටත් දරු දෙදෙනාටත් නිහතමානීව ආඩම්බර වෙන්න පුලුවන් කියල අපි විශ්වාස කරනවා. හැබැයි අර තමන් ජාතියේ ආඩම්බරකාර තාත්ත කියල හිතාගෙන ඉන්න පුහු වීරයින්ටවත් එයාලගෙ දරුවන්ටවත් සැබෑවට එහෙම ආඩම්බර වෙන්න කවදාවත්ම බැහැ ජෙනරල්.
ලිවිය යුතු කරුණු තව බොහෝ වෙතත් කොහොම හර් මේ ලියුම දිග වැඩි වුණාදෝ කියලත් මට හිතෙනවා ජෙනරල්. ආදරණීය බිරිද, ඒ දිරිය ගැහැණිය අනෝමා ෆොන්සේකා ගැනත් යමක් මෙහි නොලීම ගුණධර්ම විරෝධීකාරියක් යයි මගේ හිත වේදනාවට පත් කරනවා. ඇගේ දිරිමත් බව නොවන්නට ශ්‍රී ලාංකේය සමාජය සමහරවිට මේ වන විට සියල්ල අතහැරලා, ඔබගේ බිරිද සැබෑ ධෛර්ය සම්පන්නයි. සමහර අවස්ථාවල එය අපේ සමාජයේ බුහුමනට ලක්වෙලා සාමාන්‍ය ගැහැණියක් ලෙස ඇය අපගේ ලාංකේය සමාජයේ ස්ත්‍රීන්ට හා පුරුෂයන්ට සපයා දෙන ධෛර්යය හා ආදර්ශය අනෙකකු ඊර්ෂ්‍යාවට පත් කරවන තරමට ප්‍රබලයි ජෙනරල්. එවන් උදාර ගැහැණියක බිරිද ලෙස ලැබීමට ඔබත් එවන් මවකගේ කුසින් උපන් ඔබගේ ආදරණීය දරු දෙදෙනාත් පෙර පින් කොට ඇතැයි මම විශ්වාස කරනවා.
ඉතිං අපගේ ආදරණීය ජෙනරල් ඔබ වෙනුවෙන් යුක්තිය ඉටුවන දවස අත ලගමයි පවසන්නට තරම් මම ඉක්මන් නොවෙමි. කූඨ යුධාධිකරණය වැන තව දහසකුත් එකක් සිවිල් අධිකරණ ඔබට එරෙහිව මේ කෘෘර ආඥාදායකයා වෙනුවෙන් තීන්දු නොදෙනු ඇතැයි මම නම් හීනෙකින්වත් හිතන්නෙ නැහැ. එහෙත් කවදා හෝ සත්‍යය ජයග්‍රහණය කරාවිය යන ප්‍රබල විශ්වාසයෙන් යුතුව මම වගේ තව ලක්ෂ සංඛ්‍යාත ජන ගංගාවක් දෑගිලි ගනිමින් සිටින බව ඹබට පැවසිය යුතුව ඇත.
මේ තීරණාත්මක නිමේෂයේ අප අබිමුව ඇත්තේ වීරෝදාර, උත්කෘෂ්ට මනුෂ්‍යකු වන ඔබ වෙනුවෙන් නිදුක් නීරෝගී සුවයත් චිර ජීවනයත් ප්‍රාර්ථනා කිරීම පමණි. එතෙකුදු වුවත් අපගේ සිත් පතුලේ කැකෑරෙන තවත් එක් ප්‍රාර්ථනාවක්ද ඇත්තේය. එනම් තම කතිරයේ බලය නිවැරදිව භාවිත කොට තම තමුන් බත් කන සම්බුද්ධික සවිඥානික මිනිසුන් මිස තුනෙන් දෙකක් ලබා දී වදුරාට දැලිපිහිය දීමට තරම් ගොනුන් නොවන බව පෙන්වීමට අපොහොසත් වූ මේ බිමේ ජනතාවට තම තමන්ගේ හෘද සාක්ෂිය යලි අත පත ගා බැලීමට අවශ්‍යය. අයු, වර්ණ, සැප, බල, ප්‍රඥා ඉක්මනින්ම පහළ වේවා යන්නයි.
බලන්න අණඹර පිපෙනා ඉර මල
අලුත්ම දවසක ප්‍රභාවයයි
හමා එන්නේ නැවුම් සුළගක
පාව එන නව ජීවයයි
දනන් හදවත රැදී තෙරපෙන
මේ බිමේ නව ප්‍රාණයයි
මව්බිම වෙනුවෙන් මැරී ඉපදුණු
දිරිය මිනිසා නුඹ තමයි
අලුත් රටකට අලුත් සිතකින්
හුස්ම දුන් මිනිසා නුඹයි
පටුම පටු අදහස් පවුරු බිද
නැවුම් සිතුවිලි රැගෙන ආ නුඹ
මෙපින් බිම ජය ටැඹ නගින දින
සිනාසෙන්නේ ලෝකයයි
දනන් හදවත රැදී තෙරපෙන
මේ බිමේ නව ප්‍රාණයයි
සිහල මුස්ලිම් දමිල ජනයින්
සමගි කළ මිනිසා නුඹයි...
-මතු සබැදි
ඉටු කොට කළ යුතු යුතුකම් - ලැබුණත් ලෝකෙන් ගැරහුම්
ඉවසන්නට පුළුවන්නම් - නුඹයි දැයේ පුතා උතුම්
ඉවසන්නට පුළුවන්නම් - නුඹයි දැයේ පුතා උතුම්
දැයේ විරුවෙකුගේ ගමන් මග අමතක ජනතාව යලි අවදිකරවා ප්‍රජාතන්ත්‍රවාදය පිහිටුවාලීමට,
සිරගත නොවූ සිතුවිලි
© S F | Online Media.
No comments:
Post a Comment