ජයග්‍රහණයට පියවරු ගොඩයි, පරාජය අවජාතකයි

ආදරණීය ජෙනරාල්, සරත් ෆොන්සේකා විරුවාණෙනි,

ඉතිං කොහොමද, ජෙනරාල්,

ඔබ වීර සොල්දාදුවෙක්. අපේ ආදරණීය මව්බිම කොටි ත්‍රස්තවාදයෙන් මුදවා ගැනීමට දිවිහිමියෙන් සටන් කළ වීර සෙබළා ඔබ බව කවුරු කොහොම කිව්වත් මේ රටේ ආදරණීය මිනිසුන්ගේ සහ ගැහැණුන්ගේ හදවත්වල ගැඹුරින්ම සටහන්ව තිබෙන බව බොරු කළ නොහැකි සත්‍යයක්. එනමුත් කුරිරු ඒකාධිපතියකුගේත් ඔහුගේ කුරිරු සහෝදර හා පුත්‍ර සමාගමේත් දහසකුත් එකක් තර්ජන හමුවේ එය වසන් කරගෙන සිටිනවා විනා හෙළිදරව් කළ නොහැකි තරමට ඔවුන් අසරණව සිටින බව ඔබද දන්නවා ඇතැයි සිතමි.

අපගේ ආදරණීය මව්බිම ප්‍රභාකරන්ගේ ත්‍රස්තවාදයෙන් ඔබ මුදවා ගත් නමුදු පසුගිය ජනවාරි 26 වෙනිදා මේ කෘෘර ආඥාදායකයාගෙන් මව්බිම මුදා ගැනීමේ දෙවෙනි මෙහෙයුමට ඔබ මුහුණ දී ජයග්‍රහණය කළ බව මේ බිමේ සත්‍යය අගය කරන සියලු මිනිසුන් විසින් පිළගනු ලැබුවද ඒකාධිපති සහෝදර සමාගම විසින් එම ජයග්‍රහණය නිර්ලජ්ජිත ලෙස කොල්ලකා ගත් බව අද වනවිට බොහෝ දෙනෙකුට අමතකව තිබීම කිසියම් ඛේදවාචකයක් වුවත් ඒ පිළිබදව ඔබ මොහොතක්වත් කණගාටු වෙන්න එපා. ඒ අපේ රටේ බහුතරයක් මහජනතාවගේ හැටිය. ඔවුන්ට ඕනෑම දෙයක් ටික දිනකින් අමතකව යයි. අර කතාවක් තියෙනවනේ යකාගෙ හැටියට විමානෙ කියලා. ඒවාගෙ මිනිසුන් ඉන්න රටකට ඒ විදිහෙ පාලකයෝ තමයි ලැබෙන්නේ.

කුරිරු ඒකාධිපතියා විසින් ඔබගේ හමුදා ජෙනරාල් පට්ටම අහෝසි කරනු ලැබුවත් ශ්‍රී ලාංකේය මහජනතාව වන අපගේ මුවින් ජෙනරාල් නැමැති ආමන්ත්‍රණය එසේ ආවාට ගියාට ආපසු ගත නොහැකි සදාකාලික ආදරණීය ආමන්ත්‍රණයක්. බරපතල වැඩ ඇතිව වසර දෙක හමාරක් සිරගත කළ ඔබ වෙනුවෙන් මේ මොහොතේ අපේ මුළු මහත් ශ්‍රී ලාංකේය ජාතියේම ආදරණීය බුහුමන ඔබ වෙත සැළකර සිටින්නට මට අවසරයි. අපි දන්නා තරමින් කිසිදු වරදක් නොකළ ඔබ මේ දුෂඨ කුරිරු ඒකාධිපති ආණ්ඩුවේ කිරිරු වද බන්ධනවලට ලක්ව අද වැලිකඩ බන්ධනාගාරයේ අදුරු කුටියක සිරගතව සිටියද කවදාහරි මතු දවසක ඔබට මේ රටේ ජනතාවගෙන් නැවත යුක්තිය ඉටුවන බව මට නම් නැසැකවම සහතිකයි. මේ යන විදියට ඒ දවස වැඩි ඈතකද නොවිය හැකියි. එසේ වුවත් යුක්තිය හා සාධාරණය අගයන බහුතර ශ්‍රී ලාංකීය ජනතාව ලෙස අප තවමත් මේ බරපතල අපරාධය හමුවේ කිසිත් කරකියාගත නොහැකිව නිහඩව සිටීම පිළිබදව මම ඔබගෙන් යළි යළිත් සමාව ඇයද සිටිනවා.

ආදරණීය ජෙනරල්, මේ අපි කවුරුත් උපන්න අපි කවුරුත් මිය යන රට. ඔබගේ රක්ත වරණ රුධිරයෙන් මේ ආදරණීය මාතෘ භූමිය තෙත්වෙද්දි ඔබ උත්සහ කළේ මේ රටේ සිංහල දෙමළ මුස්ලිම් හැම කෙනෙක්ටම බියෙන් සැකෙන් තොරව ගත කරන්න පුලුවන් අවස්ථාවක් උදා කරලා දෙන්නටයි. ආරක්ෂක හමුදාවල ඉන්න අපේ වීරෝධාර රණ විරුවන්ගෙ අනන්ත අපරිමාණ කැපකිරීම් වලට පින් සිද්ධ වෙන්න ඔබට පුලුවන් වුනා ඒ කෘෘර මිනිමරු ප්‍රභාකරන්ගෙන් මේ රට මුදාගන්න නායකත්වයක් දෙන්න.

ඒ සදහා ඔබත් අපේ වීර රණවිරුවනුත් කළ කැපකිරීම් කොපමණද කියල මේ බිමේ සිටින සමහරු තවමත් නිවැරදිව දන්නවාද කියල මට නම් තාමත් සැකයි. කුසට හරිහමන් අහරක් නැතිව නෙතට නින්දක් නැතිව කුරිරු ත්‍රස්තවාදයෙන් බැටකමින් අපේ වීර සොල්දාදුවන් කළ කැප කිරීමෙන් එක කළදක්වත් ඊනියා දේශප්‍රේමීත්වයෙන් වේදිකා ගානෙ පපුවට ගහ ගත්ත අපේ රටේ නායක ආඩම්බරකාරයාවත් එයාගෙ සහෝදර සමාගමවත් එයාගෙ වටේ ඉන්න හැටහුටහමාරක් ඇමති මණ්ඩලයවත් කිසිම මොහොතක කැප කළේ නැහැ කියල අපි නම් දන්නවා. ඒත් ජෙනරල්, මේවා අපේ රටේ මහජනතාව තවම හරියට දන්නෙ නැහැ කියලයි මට නම් හිතෙන්නෙ.

රටේ මහජනතාව මේ දේවල් හරියට දන්නවා නම් මේ රට තවම මෙහෙම තියෙන්නෙ නැහැ. එදා මරාගෙන මැරෙන බෝම්බකාරිය ඔබව සොයාගෙන නාවා නම් හරි ඒ බෝම්බෙන් ඔබ මැරුණා නම් හරි මේ දේවල් මීට වඩා බොහොම වෙනස් විදිහටයි සිද්ධ වෙන්න තිබුණෙ. ඔබට වුණත් බොහෝ දේවල් හරියටම අදුනගන්න හැකි වුණේ එදා ඒ බෝම්බෙන් මැරී ඉපදුණාට පස්සෙ කියලයි මට නම් අවංකවම හිතෙන්නෙ. ඔබ ගොඩක් දේවල් එයින් පස්සෙ තේරුම් අරගත්තා කියල මම විශ්වාස කරනවා.

කවුද රට වෙනුවෙන් සැබෑ කැපකිරීම් කරන්නෙ. කවුද බොරු කාරයො. යුද්ධය සිදුවෙද්දි ඒවාට මුවා වෙලා දුෂණ කරන්නෙ කවුද? කොමිස් ගහන්නෙ කවුද? සැබෑ දේශප්‍රේමයයි, බොරු දේශ ප්‍රේමයයි අතර තියෙන වෙනස මොනවාගෙද? මේ වාගෙ තව බොහෝ දේවල් ඔබට තේරුම් ගන්න පුලුවන් වුණාට පස්සෙ තමයි ඔබට හැකිවුනේ යුද්ධය දිනන දිසාවට අපගේ හමුදාව මෙහෙයවන්න. අලුත් සැලසුම් හදන්න ඔබට ඊට පසුව පුලුවන් වුණා. මේ දේවල් සිදුවුණේ රටේ නායකයො නොදැන, නායකයො ගොඩක් දේවල් දැන හිටියෙ නැහැ. හැබැයි අද වෙනකොට මෙනවා කළත් ගෝඨාභය ඒ කාළෙ ඔබට අවහිර කළේ නැහැ මේ දේවල් වලට කියල අපි හිතනවා. සමහර වෙලාවට බලවතුන් නම් ආරක්ෂක මණ්ඩලයේදි ඔබගේ කකුලෙන් ඇද්දා කියල අපි දන්නවා. යුද්ධය නතර කරලා සාකච්ඡා කරමු කියලමයි එයාල හැමදාම කිව්වේ. ඔබගේ කටේ බලයෙන් තමයි යුද්ධය ඉස්සරහට ගෙනිච්චෙ. හැබැයි ඒ වෙලාවෙ ජනතා විමුක්ති පෙරමුණ නම් ඔබට සහය පළ කළා. එයාලවත් නොහිටිය නම් ආඩම්බරකාර තාත්තා යුද්දෙ නවත්තන්න ඔබට බල කරනවා. කොහොම හරි අන්තිමට අපි ජයග්‍රහණය කළා. ඊට පස්සෙ ජයග්‍රහණයට පියවරු ගොඩක් හිටියා. බැරිවෙලා හරි ඒ යුද්ධය පැරදුනා නම් සේරම යන්නෙ ඔබේ කර පිටින්. අර කතාවකුත් තියෙන්නේ “ජයග්‍රහණයට පියවරු ගොඩයි, පරාජය අවජාතකයි“ කියලා.

-මතු සබැදි

ජාතිය රන් විමනක් වේ - ආගම මිණි පහනක් වේ

එය රැකගන්නට මෙලොවේ - සමත් වෙතොත් පුත නුඹ වේ

දැයේ විරුවෙකුගේ ගමන් මග අමතක ජනතාව යලි අවදිකරවා ප්‍රජාතන්ත්‍රවාදය පිහිටුවාලීමට, 

සිරගත නොවූ සිතුවිලි

© S F | Online Media.